ಚಿಕ್ಕಬಳ್ಳಾಪುರ:
ಜಿಲ್ಲೆಯ ಪ್ರಸಿದ್ಧ ಎಪಿಎಂಸಿ (APMC) ಮಾರುಕಟ್ಟೆಯಲ್ಲಿ ತರಕಾರಿ ದರಗಳು ಅತ್ಯಂತ ಕನಿಷ್ಠ ಮಟ್ಟಕ್ಕೆ ಕುಸಿದಿದ್ದು, ಗ್ರಾಹಕರ ಜೇಬಿಗೆ ನಿರಾಳ ತಂದಿದ್ದರೂ ಸಹ ಬೆಳೆಗಾರರನ್ನು ತೀವ್ರ ಆರ್ಥಿಕ ಸಂಕಷ್ಟಕ್ಕೆ ತಳ್ಳಿದೆ.
ಬೆಲೆ ಕುಸಿತಕ್ಕೆ ಪ್ರಮುಖ ಕಾರಣವೇನು.?
ಪ್ರಸ್ತುತ ಅಧಿಕ ಮಾಸ ನಡೆಯುತ್ತಿರುವುದರಿಂದ ಮದುವೆ, ಮುಂಜಿ, ಗೃಹಪ್ರವೇಶದಂತಹ ಯಾವುದೇ ಶುಭ ಸಮಾರಂಭಗಳು ನಡೆಯುತ್ತಿಲ್ಲ. ಹೀಗಾಗಿ ಮಾರುಕಟ್ಟೆಯಲ್ಲಿ ತರಕಾರಿಗಳಿಗೆ ಇದ್ದ ಬೇಡಿಕೆ ಸಂಪೂರ್ಣವಾಗಿ ಕುಸಿದಿರುವುದೇ ಈ ದಿಢೀರ್ ಬೆಲೆ ಇಳಿಕೆಗೆ ಮುಖ್ಯ ಕಾರಣವಾಗಿದೆ.
ಕೈಕೊಟ್ಟ ಬಂಡವಾಳ – ನಷ್ಟದ ಸುಳಿಯಲ್ಲಿ ರೈತರು:
ಸಾಗಾಣಿಕೆ ವೆಚ್ಚವೂ ಸಿಗುತ್ತಿಲ್ಲ:
ತರಕಾರಿಗಳನ್ನು ಹೊಲದಿಂದ ಕೊಯ್ದು, ಮಾರುಕಟ್ಟೆಗೆ ತರಲು ತಗಲುವ ಸಾಗಾಟ ವೆಚ್ಚ (Transport) ಹಾಗೂ ಕೂಲಿ ಆಳುಗಳ ಖರ್ಚು ಕೂಡ ಸದ್ಯ ಸಿಗುತ್ತಿರುವ ದರದಿಂದ ಭರ್ತಿಯಾಗುತ್ತಿಲ್ಲ.
ಕಂಗಾಲಾದ ಬೆಳೆಗಾರರು:
ಹಾಕಿದ ಬಂಡವಾಳವೂ ಕೈಗೆ ಸಿಗದೆ ನಷ್ಟದ ಸುಳಿಗೆ ಸಿಲುಕಿರುವ ರೈತರು, ಮಾರುಕಟ್ಟೆಯಲ್ಲಿ ತಮ್ಮ ಬೆಳೆಗೆ ಸೂಕ್ತ ಬೆಲೆ ಸಿಗದೆ ತಲೆಮೇಲೆ ಕೈಹೊತ್ತು ಕುಳಿತುಕೊಳ್ಳುವ ಪರಿಸ್ಥಿತಿ ನಿರ್ಮಾಣವಾಗಿದೆ.
ಮಾರುಕಟ್ಟೆಯಲ್ಲಿ ತರಕಾರಿ ಬೆಲೆಗಳು ಕುಸಿದಿರುವುದು ಗ್ರಾಹಕರ ಜೇಬಿಗೆ ಕತ್ತರಿ ಬೀಳುವುದನ್ನು ತಪ್ಪಿಸಿದೆ ನಿಜ. ಆದರೆ, ಹಗಲಿರುಳು ಶ್ರಮಿಸಿದ ರೈತನಿಗೆ ಮಾತ್ರ ಈ ಬೆಲೆ ಕುಸಿತವು ಭಾರಿ ಹೊಡೆತ ನೀಡಿದ್ದು, ಸರ್ಕಾರ ಮಧ್ಯಪ್ರವೇಶಿಸಿ ನೆರವಾಗಬೇಕಿದೆ ಎಂಬ ಆಕ್ರೋಶ ಬೆಳೆಗಾರರಿಂದ ಕೇಳಿಬರುತ್ತಿದೆ.