ಬಿಪಿಎಲ್ ಕಾರ್ಡ್‌ದಾರರಿಗೆ ಬಿಗ್‌ ಅಪ್‌ಡೇಟ್: ಇನ್ನು ಉಚಿತ ಅಕ್ಕಿ ಬದಲು ಸಿಗಲಿದೆ ಪೌಷ್ಟಿಕ ‘ಇಂದಿರಾ ಆಹಾರ ಕಿಟ್’

ಕುಟುಂಬದ ಗಾತ್ರಕ್ಕನುಗುಣವಾಗಿ ಕಿಟ್ ವಿತರಣೆ:

ಎಲ್ಲಾ ಕುಟುಂಬಗಳಿಗೂ ಒಂದೇ ಪ್ರಮಾಣದ ಕಿಟ್ ನೀಡುವ ಬದಲು, ಆಯಾ ಕುಟುಂಬದಲ್ಲಿರುವ ಸದಸ್ಯರ ಸಂಖ್ಯೆಯ ಆಧಾರದ ಮೇಲೆ (Slabs) ಕಿಟ್‌ಗಳನ್ನು ವಿತರಿಸಲಾಗುವುದು:

1 ರಿಂದ 2 ಸದಸ್ಯರು ಇರುವ ಕುಟುಂಬಕ್ಕೆ:

ಅರ್ಧ ಕೆಜಿಯ ಕಿಟ್.

3 ರಿಂದ 4 ಸದಸ್ಯರು ಇರುವ ಕುಟುಂಬಕ್ಕೆ: 

1 ಕೆಜಿ ತೂಕದ ಕಿಟ್.

5 ಅಥವಾ ಅದಕ್ಕಿಂತ ಹೆಚ್ಚು ಸದಸ್ಯರು ಇರುವ ಕುಟುಂಬಕ್ಕೆ: 

1.5 ಕೆಜಿ ತೂಕದ ಕಿಟ್ ವಿತರಣೆ.

ಈ ಬದಲಾವಣೆಗೆ ಪ್ರಮುಖ ಕಾರಣಗಳೇನು..?

1. ಪೌಷ್ಟಿಕಾಂಶದ ಕೊರತೆ ನೀಗಿಸಲು: 

ಕೇವಲ ಕಾರ್ಬೋಹೈಡ್ರೇಟ್ಸ್‌ಯುಕ್ತ ಅಕ್ಕಿಯ ಸೇವನೆಯಿಂದ ಬೊಜ್ಜು ಮತ್ತು ಇತರೆ ಅನಾರೋಗ್ಯ ಸಮಸ್ಯೆಗಳು ಹೆಚ್ಚುತ್ತಿರುವುದನ್ನು ತಜ್ಞರು ಗಮನಿಸಿದ್ದು, ಪ್ರೊಟೀನ್ ಹಾಗೂ ಕೊಬ್ಬಿನಾಂಶವಿರುವ ಆಹಾರವನ್ನು ಸೇರಿಸಲು ಈ ಕ್ರಮ ಕೈಗೊಳ್ಳಲಾಗಿದೆ.

2. ಸಾರ್ವಜನಿಕರ ಅಭಿಪ್ರಾಯ: 

ಸರ್ಕಾರದ ಸಮೀಕ್ಷೆಯೊಂದರಲ್ಲಿ ಶೇ. 90ರಷ್ಟು ಫಲಾನುಭವಿಗಳು ಅಕ್ಕಿಯ ಬದಲು ಬೇಳೆ, ಎಣ್ಣೆ, ಸಕ್ಕರೆಯಂತಹ ದಿನಸಿ ಪದಾರ್ಥಗಳೇ ಬೇಕೆಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದರು.

3.ಪಾರದರ್ಶಕತೆ ಮತ್ತು ದುರ್ಬಳಕೆ ತಡೆ: 

ಅಕ್ಕಿಯನ್ನು ಕಾಳಸಂತೆಯಲ್ಲಿ ಮಾರಾಟ ಮಾಡುವುದನ್ನು ತಡೆಯಲು ಮತ್ತು ವಿತರಣೆಯಲ್ಲಿ ಸಂಪೂರ್ಣ ಪಾರದರ್ಶಕತೆ ಕಾಯ್ದುಕೊಳ್ಳಲು ಈ ಹೊಸ ವ್ಯವಸ್ಥೆ ಸಹಕಾರಿಯಾಗಲಿದೆ.

ರಾಜ್ಯದ ಸುಮಾರು 1.26 ಕೋಟಿಗೂ ಅಧಿಕ ಬಿಪಿಎಲ್ ಮತ್ತು ಅಂತ್ಯೋದಯ ಕಾರ್ಡ್‌ದಾರರಿಗೆ ಈ ಯೋಜನೆಯ ನೇರ ಲಾಭ ಸಿಗಲಿದ್ದು, ಸದ್ಯದಲ್ಲೇ ನ್ಯಾಯಬೆಲೆ ಅಂಗಡಿಗಳ ಮೂಲಕ ಈ ಕಿಟ್‌ಗಳ ವಿತರಣೆ ಅಧಿಕೃತವಾಗಿ ಆರಂಭವಾಗಲಿದೆ.